Sujet: 20 Joor – mir au…
Die Behämmerte – Sujets 1994 – 2014
1994 isch d’Führwehr zum Schiessstand grennt
drum heisst unser Sujet „Rynach brennt“
En 11’er wo durch d’Fasnacht drängelte isch e Pleite
drum heisst Sujet im ’95 „Mir lön uns nid umleite“
Lehrer sin scho nach 5 Taag müed, chunsch druss?
drum heisst Sujet ’96 „Am Samschtig schloofe mir us“
1997 baut me uf jedes Reihehüsli e zweite Stock druf
„Die hän jo e Dachschade, mir stocke uf“
im 98′ hän mir’s im neue Chäller glatt
s’Sujet: „Jedem Buur si Literatur“, s’isch s’Wucheblatt
Mit em neu Radar hebt di dr Dorfschugger uf Trab
drum heisst Sujet ’99 „Z’Rynach blitze alli ab“
Im 2000 git’s für d’Expads e Schuel, das isch genial
s’Sujet drum: „Rynach wird international“
… und will sie im 2000 poppe wie d’Hase
heisst Sujet: „Mir sin die Gröschte, mit 18’684 Nase“
Jetzt gründe mir s’Aktionskommitée AKaDoBa neu
s’Sujet ’02: „Dorfbach frei, Schiff ahoi“
D’Gmeindröt als Fläsche im neue Geindhuus sin e Gwinn
s’Sujet ’03 heisst drum: „Jetzt sin si drin“
Im ’04 sin mir als Eskimo nid foul
s’Sujet passend: „Sit 10 Joor cool“
„So unpassend wie Batterie im Abfall“ isch s’Sujet ’05 gsi
will unseri Halle abbrennt, isch dr Wage jetzt hi
Im ’06 sich unser Sujet klar
„Reinach sucht den Superstar“
„Mi Son nimm Platz“ meint es Bienli im ’07 schlau
„mir sin d’Alternative zum demographische Supergau“
Im ’08 hän allí Clique öbis zum Lache
und fire mit uns „s’Ändi vom Drache“
Hinter schwarze Waagewänd sehn mir im ’09 fascht rot
s’Sujet heisst: „Me git nüt, nur Wasser und Brot“
2010 hän allí vo dr Schweinegrippe Angst, mir au
s’isch gar nüt passiert drum „Schwein gha du Sau“
D’Börse uff em Nullpunkt isch im 2011 nid übertriebe
„Mir gsehn schwarz“ hän mir uf dr Waage gschriebe
Im 2012 het dr Blick wägem Niveau s’Site3-Girl useghaue
und mir hän verzwieflet „Wo sich dr Hägar?“ gschraue
2013 sin mir wägen Gefängnis nümm alli derbi
und Sujet heisst: „Mir loche y“
2014 isch unser Jubiläum, es interessiert kei Sau
und unser Sujet heisst: “ 20 Joor – mir au“
Die Behämmerte 